സൗജന്യമായി നൽകുന്നത് എന്തിനാണ്?

പണത്തെക്കുറിച്ചുള്ള നമ്മുടെ സമീപനം

ലോട്ടസ് ത്രെഡിന്റെ കാഴ്ചപ്പാടിൽ പണം ഊർജ്ജത്തിന്റെ ഒരു രൂപമാണ്.

മനുഷ്യൻ തന്റെ സമയവും, അധ്വാനവും, അറിവും, കഴിവും, സ്നേഹവും, ശ്രദ്ധയും, പണവും—ഇവയെല്ലാം ഊർജ്ജത്തിന്റെ വ്യത്യസ്ത രൂപങ്ങളായി പരസ്പരം കൈമാറിക്കൊണ്ടാണ് സമൂഹം പ്രവർത്തിക്കുന്നത്. ഈ പരസ്പര കൈമാറ്റത്തെയാണ് ഞങ്ങൾ Energy Exchange (ഊർജ്ജ വിനിമയം) എന്ന് വിളിക്കുന്നത്.

കൊടുക്കൽ വാങ്ങലിന്റെ സമ്പൂർണ്ണ ചക്രം പൂർത്തിയാകുമ്പോൾ മാത്രമാണ് സേവന ദാതാവിനും , സ്വീകർത്താവിനും അതിന്റെ യഥാർത്ഥ ഫലം ലഭിക്കുന്നത്.

ചുരുക്കി പറഞ്ഞാൽ , ഒരാളുടെ സേവനവും , അദ്ധ്വാനവും , സമയവും മാനിക്കപ്പെടേണ്ടതാണ് – അത് സ്വീകരിക്കുമ്പോൾ തത്തുല്യമോ അധികമോ ആയ പ്രതിഫലം നൽകണം എന്നതാണ് നമ്മുടെ സമീപനം.

ഒരു വ്യക്തി ആത്മാർത്ഥമായി സമയം ചെലവഴിച്ച്, വർഷങ്ങളുടെ പഠനവും അനുഭവവും സമർപ്പിച്ച് ഒരു മൂല്യം സൃഷ്ടിക്കുമ്പോൾ, അതിന് തുല്യമായ ഒരു ഊർജ്ജ വിനിമയം സ്വാഭാവികമാണ്. അതുപോലെ, ഒരു വ്യക്തി യഥാർത്ഥ മൂല്യം സ്വീകരിക്കുമ്പോൾ, അതിന് ബോധപൂർവ്വം പ്രതിഫലം നൽകുന്നതും ഊർജ്ജത്തിന്റെ ആരോഗ്യകരമായ ഒഴുക്കിന്റെ ഭാഗമാണ്.

സമയത്തിനും, അറിവിനും, അനുഭവത്തിനും, കഴിവിനും, ഉത്തരവാദിത്തത്തിനും ന്യായമായ പ്രതിഫലം ലഭിക്കുന്നത് സ്വാഭാവികവും ആരോഗ്യകരവുമാണ്. അതുപോലെ, ഒരാൾക്ക് യഥാർത്ഥത്തിൽ മൂല്യമുള്ള ഒരു സേവനത്തിന് സന്തോഷത്തോടെ പ്രതിഫലം നൽകുന്നതും ഒരു ബഹുമാനത്തിന്റെ പ്രകടനമാണ്.

അപ്പോൾ പിന്നെ സൗജന്യമായി നൽകുന്നത് എന്തുകൊണ്ടാണ് ?

Lotus Thread-നെ ആദ്യം പരിചയപ്പെടാനും അനുഭവിക്കാനും സഹായിക്കുന്ന അടിസ്ഥാന അവസരങ്ങളാണ് സൗജന്യമായി നൽകുന്നത്.

ഇതിൽ ഉൾപ്പെടുന്നത്:

ഏഴ് ദിവസത്തെ Foundation Course
അടിസ്ഥാന ശ്വസന പരിശീലനങ്ങൾ
Guided Meditation-കൾ
പൊതുവായ Healing Experience
അടിസ്ഥാന ധ്യാനപാഠങ്ങൾ

സൗജന്യമായി നൽകുന്നതിന്റെ ഉദ്ദേശ്യം സേവനത്തിന്റെ മൂല്യം കുറയ്ക്കുക എന്നതല്ല. സാമ്പത്തികമായ തടസ്സമില്ലാതെ കൂടുതൽ ആളുകൾക്ക് Lotus Thread-നെ മനസ്സിലാക്കാനും, സ്വന്തം അനുഭവത്തിന്റെ അടിസ്ഥാനത്തിൽ തുടർയാത്ര തിരഞ്ഞെടുക്കാനും അവസരം നൽകുകയാണ്.

സൗജന്യ ഘട്ടം പരിചയപ്പെടാനുള്ള വാതിലാണ്. ഉയർന്ന തലത്തിലുള്ള പഠനത്തിനും പ്രത്യേക ഹീലിംഗിനും ആഴത്തിലുള്ള പരിശീലനത്തിനും പ്രത്യേകം ഫീസ് ഉണ്ടായിരിക്കും.

ദക്ഷിണയുടെ ഉദ്ദേശ്യം

ദക്ഷിണ’ എന്നത് ദാനമോ സംഭാവനയോ അല്ല. അത് ലഭിച്ച മൂല്യത്തോടുള്ള ബോധപൂർവമായ ആദരവും, ഗുരു-ശിഷ്യ പാരമ്പര്യത്തിൽ നിന്നുള്ള ഊർജ്ജ വിനിമയത്തിന്റെ ആധുനിക രൂപവുമാണ്.

ഹീലിംഗ് എന്നത് മൂല്യമില്ലാത്ത ഒരു സേവനമല്ല. വർഷങ്ങളായുള്ള പഠനവും പരിശീലനവും അനുഭവവും സമർപ്പണവും ഉത്തരവാദിത്തവും ആവശ്യമായ ഒരു പ്രൊഫഷണൽ സേവനമാണ് അത്. അതിനാൽ ഹീലിംഗിന് മഹത്തായ മൂല്യമുണ്ട്.

എന്നിരുന്നാലും, സാമ്പത്തിക ബുദ്ധിമുട്ടുകൾ കാരണം ഒരാൾക്ക് ഹീലിംഗ് ലഭിക്കാതെ പോകുന്നത് ശരിയല്ല എന്നതാണ് Lotus Thread-ന്റെ നിലപാട്. അതുകൊണ്ടാണ് ഹീലിംഗ് സേവനങ്ങൾക്ക് നിർബന്ധിതമായ ഒരു ഫീസ് നിശ്ചയിക്കാതെ, ദക്ഷിണ എന്ന പരമ്പരാഗത ഊർജ്ജ വിനിമയ രീതി സ്വീകരിച്ചിരിക്കുന്നത്.

ഹീലിംഗ് സെഷന് ശേഷമോ , ശ്രദ്ധയർപ്പിച്ച കാര്യത്തിൽ പുരോഗമനമുണ്ടാകുമോഴോ , തികഞ്ഞ സന്തോഷത്തോടെയും ആദരവോടെയും ആയിരിക്കണം ദക്ഷിണ നൽകേണ്ടത്. ഈ ദക്ഷിണയിലൂടെ,

ഹീലിംഗിന്റെ മൂല്യത്തോടുള്ള ആദരവ് പ്രകടമാകുന്നു.
ഹീലറുടെ സമയത്തെയും സമർപ്പണത്തെയും ബഹുമാനിക്കുന്നു.
കൂടുതൽ ആളുകൾക്ക് ഹീലിംഗ് ലഭ്യമാക്കുന്ന സംവിധാനം നിലനിൽക്കുന്നു.
Lotus Thread Community-യുടെ പ്രവർത്തനങ്ങൾ, പരിശീലനങ്ങൾ, പുതിയ പദ്ധതികൾ എന്നിവ മുന്നോട്ടുകൊണ്ടുപോകാൻ ആവശ്യമായ സാമ്പത്തിക അടിത്തറ രൂപപ്പെടുന്നു.

അതിനാൽ ദക്ഷിണ എന്നത് ഒരു വ്യക്തിക്കുള്ള പ്രതിഫലം മാത്രമല്ല; Lotus Thread-ന്റെ ദൗത്യത്തിലും വളർച്ചയിലും പങ്കാളിയാകുന്ന ഒരു ബോധപൂർവമായ ഊർജ്ജ വിനിമയമാണ്.

ഓരോ അംഗവും നൽകുന്ന ദക്ഷിണയിലൂടെ, കൂടുതൽ ആളുകളിലേക്ക് ഹീലിംഗും അറിവും പ്രത്യാശയും എത്തിക്കുന്ന ഈ കൂട്ടായ യാത്രയുടെ സഹസ്രഷ്ടാവായി മാറുന്നു.